Logo des MGV Kleinheppach

Männergesangverein Kleinheppach 1947 e. V.

 
Zurück  |  Home  |  Feedback  |  Inhalt  |  Suche  |  Impressum

Ortswappen von Kleinheppach

 

Der Kleinheppacher Kopf

Gedicht:  Dr Kloiheppächer Kopf

Wo dr Berg am stoilste isch, 
G´ruahbänk standet, Böm ond Büsch 
ond aus Stoiner, Kies und Sand
guckt e Denkmal weit ins Land - 

desch dr Kloiheppacher Kopf, 
ond´s isch schau e armer Tropf, 
der no nia gwea dort obe; 
i will gwiß dr Berg net lobe,
weile - was net jederma - 
zuam Hoimet sage ka. 

Doch ganz wenich wernt bestreite, 
daß zo älle Johreszeite 
kaum e schöners Plätzle geit, 
ond wann d´fortreist no so weit. 

 

Was hent mir für schöne Stunde 
schau vrlebt ond drobe gfonde,  
´s Remstal nuff - ond´s Remstal na, 
d´Schwäbisch Alb ond hentera 
über Stuagert bis ens Gäu, 
sieht mr dort bei Sonneschei.

Steiget nuff ond gucket omer, 
sei´s em Füahling oder Sommer, 
herbst ond Wenter, emmer schö´
isch uff deara Bergeshöh. 

Ruah ond Friede wohnet z´bander 
dort so eng ond b´häb beinander. 
ewich sengt dr Wald sei Liad, 
daß oim uffgoht´s Herz ond´s Gmüat!

 

 

Kurt Dobler (Heimatdichter) 
Aus dem Buch "Weinort Kleinheppach" erschienen 1967.

-> Seitenanfang

 
Copyright © 2005 - 2017  Männergesangverein Kleinheppach 1947 e.V.